想問下各位師兄 除咗電源部分嘅fuse， 係咪所有機內嘅fuse都要換呢！ 見到有部後級機裏面有八支fuse， 換曬就真係要食樹皮。

C兄用那個品牌的紫色呀？

絕對同意#38 最近喺串流機換咗一支紫色fuse!嘩一聲， 聽多幾日之後再幫合併機再換多條紫色，又係嘩一聲， 呢種感覺就係好似幫合併機換咗一條好靚嘅電線咁，但係條新電線同舊電線爭七千蚊， 而家準備再幫解碼换多條紫色。

#38我同意！

有分別呀,但仲未試到有貴fuse係合口味,唉!

玩過就知道㗎啦，明就明唔明就唔明，套系統如果連換咗灰士都聽唔出有咩分別，恭喜你

不如又調返轉頭,用番跟機線,只玩fuse!

＃39
補品係病弱人士適用，要用的都係有自身問題，所謂加強低音其實係減高音，當中必然犧牲分析力，玩HiFi最理想都係本身系統合理完善。

樓主都係親身試下,實戰係勝於一切!

哈哈！灰士好簡單。外面金屬灰士殼，宜家金銀銅銠乜嘢都有，比錢就得。入面就係幼幼灰士線。我理解彈弓灰士用鎢絲，夠熱就會溶斷。貴灰士用金銀銅或者金銀銅合金。佢哋非常之導電，所以要佢哋非常之幼，電阻大到夠熱就溶斷，先至可以保護架生。至於包住灰士線就係石英沙。好多牌子吹自己啲沙特別幼細，特別吸收震盪，特別乜乜，其實都係幼沙。

灰士最好買大牌子。宜家好多牌子乜嘢都冇交代佢間廠係乜水，剩係吹…. 信得過大牌子係佢哋啲灰士多數有測試過，一有事，自動溶斷，可以保護架生。

Yohai 及其他師兄能否多分享一些心得 ？

認同魔術師，如果套系統欠缺低頻，效果就仲明顯

以前未試過吾知，當試過了靚fuse後確實用來調音效果非常好，其實如果你相信電源會影響聲音的就應該相信fuse，因為電源必須要會經過它，如果一粒質數差的fuse同一粒質數好又經過調試的比較，分別可以好大，我覺得1000元的fuse的影響什至比5000元的電源線影響更大

唔整啲新嘢出嚟,點起到價同賺你錢,最緊要洗得開心,happy listening!

我信會變，但無迷信會變聶小倩! ha

其實我從來唔跟電子佬講音響，我舊公司班電子佬對電線講法只有通到電就係好線。
佢地永遠唔迷信靚線對音色有影響這說法。

其實如果係金耳朵，乜嘢改動都係可以影響聲音。

例如開大隻窗，超低音可以潛低咗幾個Hz…..

我自己覺得如果有好嘅承托，例如正斗HiFi 腳，或者架，對聲音幫助比電源線灰士更大。

自己有米有體力又聽到分別，咪様樣都試吓囉。

最後修改時間: 2023-06-03 18:09:23

睇到隔籬post有人講電源插頭，同一牌子有唔同金屬同合金，隻隻試完嘅結果都唔係一面向好。似乎我而家睇到啲商家佬其實求其搵啲唔同金屬再加上電鍍其他唔同金屬，或者再浸埋落液態氮之後就標個好靚嘅價錢推出市場。呢件嘢係咪會好聲唔係佢考慮之列，因為點樣配置令到佢好聲似乎係買嗰個人嘅責任。

所有感覺好咗嘅嘢都可能係假象，只是有所不同，亦即是脫離標準，玩物益智，有助看透人心。

其實用ceramic 灰士換走哂啲彈弓灰士。用有shielding 夠銅正外包層物料電源線，例如Belden，換走哂啲跟機雞線走，已經好大改善。吓吓用二餅嘢買條電源線，二毫子買粒灰士，套架生剩係電源線灰士都十幾二三十萬，真係唔知乜嘢世界。

我自己鼓油永遠最多係條魚十分一價錢。冇得過界。