我有一對90年代的Cabasse Galion VII舊啦叭，聽咗多年，好滿意。箱身是原木色，想將它轉為白木色，請問有冇好手工的公司介紹？麻煩晒

我都想知!

係呀，轉色而更融入家中

我試過, 又係座地喇叭, Celestion Ditton 66, 因搬屋花左, 裝修判頭找油漆 c-fu, 油白色, 要拆哂 D 單元, 油完, 新的一樣, 好靚

座地箱都好重, 搬運兩回都可能整花, 找油漆師傅上門油手掃漆, 一工得啦, 千五蚊咁上下, 手掃漆及天那水一百元, 總數千八元可以的了吧

拆單元就真係棘手，冇郁過咁耐，啲螺絲都生晒銹

找師傅來素有係一個好辦法，我研究一下

d screws 看來好易拎得甩, 沒生銹, d speakers 一定要拆出來才油得靚, 因阻住師傅擺個油掃, 你唔拆的話, 師傅油得辛苦好多, 要避d 油落單元度, 同時冇油全平面咁平滑, 你識油漆就明啦, 証明你唔識, c-fu 一定計你貴好多。去鬥木鋪打價吧, 仲 有乜好研究?順手淘 d 黑不銹鋼羅絲, 換哂佢, DIY 一勞永逸

最後修改時間: 2025-12-15 16:47:28

又或者唔使油嘅。

好似車咁，貼vinyl喇叭箱，多選擇，又可保存原裝木箱。

至於會唔會影響音色，我就唔知啊。

C兄，老實講，油完白色好大機會後悔。
我個人覺得呢對喇叭白色唔配，不喜勿插;-p

白色要做到鋼琴光面但黑色單元。⋯⋯

師兄, 在家怎做到鋼琴漆面, 要打磨好多次才有效果, 油漆師父實唔做, 唔洗諗

我覺得喇叭是一件巨型的傢俬，尤其是師兄這個法國喇叭體積不少，就像一個樂器，如果以樂器嘅角度去考量，最適合的還是富有質感的木頭木紋，另外一個方向就是黑色鋼琴木的閃亮效果. 其餘的方案比較適合形狀前衛的喇叭，比較avant-garde, 可以配襯新潮抽象派的現代傢俬或裝潢, 否則木色和黑色是比較安全的選擇.

just my two cents

如一定要cover木色，另外做法用白色布料做一個緊貼cover. 這個更容易及方面，至於前面baffle就真係麻煩啲。

近幾年我有落手落腳翻新木材，換下喇叭壞了單元, DIY open baffle喇叭...。坦白講木材轉色極容易，想做好甚至完美極難而且要好多次打磨/上油/打磨/上油打磨/上油....。鋼琴面拋光仲難。搵人做要幾錢？而且未必有師傅肯做，做咗個客唔滿意結果仲煩，因為唔會還原到。
牌子喇叭唔同木皮收唔同價錢，有D發燒友話聽得出唔同木皮聲音。上油 /貼 vinyl or whatever會否(心理上)影響聲音？唔喜歡 final product嘅聲又幾乎冇可能還原，到時當垃垃掉？
真係堅持想做不如自己落手做。


最後修改時間: 2025-12-16 20:33:41

都不太困難應該十幾個鐘頭嘅功夫應該可以搞掂

首先返半小時，去淘寶搵一搵大概80號至120號的這一種東西，這種打磨圈有很多種，必定有一種啱你用

用一個低轉速的setting放入扭力不太高的電鑽

磨走面層的一點

首先物主怕樓唔開螺絲，這種五金螺絲放進木頭內扭不出的可能性很低

花兩三秒就會感受到好容易扭出，最緊要係用啱螺絲批

打磨完之後，上顏色有兩個選擇

可以選擇噴油或手掃

都有啲師傅喜歡做一些唔同嘅東西互相交流一下，碰碰運氣，要不然自己搞啦

領略組這種打磨方法之後，就會明白出錯都不用擔心

找兩塊木板先練習手感

我以往係prefer用呢種圈唔用砂紙機，to restore some vintage guitar



最後修改時間: 2025-12-16 21:17:33

Time, space, skill and knowledge⋯⋯

It’s easy said than done in some circumstances.

Space and time is always an issue

如果有地方有時間，可以先喺坊間搵一對免費嘅喇叭或者一百幾十買回來做練習

搵油漆佬來屋企同你當衣櫃咁手工油，油完恐怕你對喇叭價值會跌起碼七成

將對原厰喇叭由原木色轉做白色？吾知C兄對音色有冇要求，如果冇，或者可以去馬，但如果有要求又滿意佢目前音效，咁就最好吾好攪，用最簡單方法買木油卒佢，保持木皮油潤外觀最保險