楼主，我把我最近的经历分享俾你参考而已，老麦、金仔各有用家喜欢，最紧要係你同太太都喜欢既牌子。有次佢地都带我入左边间试音室听佢set-up好既顶级老麦。最吸引就係个蓝色既錶同支针，动态都很好但不是我杯茶。

我都用过两部金仔合拼机，觉得金仔（尤其是我试听既係顶级前级）无理由听人声会唔得，你试音既结果同我嗰次好类似所以怀疑係部 CARY DAC 同对喇叭影响咗。既然师兄唔係运吉，係打算买既，不妨再叫佢地安排试多次，但把DAC同喇叭既器材换过其它，再试老麦同金仔，睇下有无唔同既结果再作决定。

另外就係要考虑到老麦既机係好大部同重，要有比较宽阔既位置摆放散热，金仔（除咗A类）就比较无咁大部同唔係咁热，容易D摆放。

4万多既DAC, Network Player 好多选择，真係排队都未会考虑部Cary.

祝师兄早日揾到适合既器材！

最後修改時間: 2020-02-12 13:52:37

Sales 推介好多時同佣金有關，不可盡信。
樓主真幸福，太坐肯同你一齊去聽兼意見，幾生修道。
回正題。其實各廠家在聲音上取向好唔同，最緊要啱口味。利申先，我係金仔用家。買M前都有聽過老麥，但口味上喜歡金仔多尐所以去馬。這當然不是直接同器材比較，地點也不同，所以到最後只好比較音色取向。好粗疏的比較是金仔較甜，日本味濃。而老麥則較理性，上下引延好像較大，但有稍為偏薄啲情况。問題係我不是下下要爆，甜一點的聲音較耐聽。我個人唔覺得金仔差老麥好遠，兩個品牌嘅價錢又差唔多，市場價無死錯人嘅。
同埋你同老婆一齊都覺得老麥好尐，一于去馬啦。早買早享受。

全程sales都推介用老麥

Metalnuts 師兄，所有器材都係佢D提供的，我只要求插file,唔要CD,佢部Cary600都4Xxxx.

#7
我估係金仔啦,,,,,,都入晒櫃啦,,,,

其實金仔嗰啲最新型號自從用咗mosfet代替relay後（不斷強調damping factor提昇咗），似乎有啲人買完之後拋返出街嘅速度更快。
唔知各位師兄有冇噉嘅感覺，會唔會個聲底有轉變呢?

既然樓主自己聽過又有個肯聽歌老婆都覺得合適嘅話就不用理其他，始終套機係你們享受。Hi-Fi嘢係無論平貴最終係講配撘，單一環節怎樣出色都無用。

老麥與金仔的聲底相當分別大，各有捧場客。不宜鑽牛角尖去分誰優誰劣。

依你說，事情明確，答案也很簡單：你太太對聲音比較敏銳，又因為你是音響初哥，兼本身對聲音不及太太敏銳。

以前因為屬同一代理，代理又成功宣傳到天朗喇叭與金仔是絕配。事實當然不是。

最後修改時間: 2020-02-12 09:30:57

#1 纯是个人意见 - 第一点解会用 Tannoy Autograph Mini 用来试音 （除非你自己要求），第二我过年前都有去阿二试金仔C-3850, A45, P-4200, Sonus Faber 坐地喇叭，音源係Cary既Streamer Dac (应该係你试音嗰部）。效果出来差到 妈妈声。 以前陪朋友去试 及同係朋友屋企听 C-3850 + A70 + Sonus Faber 係几好声的， 我奇怪紧点解会差咁远，从前係阿二试音都会俾係屋企好的（环境问题）。听师兄既试音结果，我怀疑是部Cary Dac 既问题，可能是该部DAC 有很大的声底或与其它器材匹配不容易。

以前你话试金仔（除非你自己有特别要求），佢地都俾成套金仔招呼你，金仔CD player， 前后或合拼，Sonus Faber （虽然本人唔钟意佢既声底）喇叭，因其天生声底能加强金仔的美声，所以出来的效果是不错的。

似乎佢地谷紧嗰个Cary Dac, 所以乜嘢试音都用嗰部试。师兄有时间可以再试要求换过部DAC 或用金仔既CD机，睇下有乜分别。

最後修改時間: 2020-02-12 09:16:56

聽流行歌多我一定選老麥,力度好D.擴音機音色推力要跟音箱的音色功率接受力互相配合才有好聲音.

#4
睇黎你太太都係有耳仔，而且佢唔貪金仔個靚外殼係實際人，既然你話自己係新手而準備用十萬大元，去聽多其他牌子先決定

最後修改時間: 2020-02-12 01:50:15

估吓推4429
用275同e800
又邊部夾呢？

呢啲講夾定唔夾?

事實就是很直接的擺在眼前, 尤其夾Tannoy。

最後修改時間: 2020-02-12 00:56:11

我覺得金仔唔應該差甘遠，所以想在呢度請教高手原因

套機係你同你老婆聽，既然你同你老婆聽完之後都意屬老麥，噉點解仲想人地畀過第二個意見你最後搞到家嘈屋閉。

最後修改時間: 2020-02-12 00:30:38

補充第二次喇叭是：Fyne Audio F 1-8

小弟新手近排想買部M加喇叭，budget約十萬元，第一次上友記大廈試機：
DAC:Cary 600
M:金仔E480 老麥7200
喇叭：Tannoy Autograph Mini GR
當時聽完己感到老麥好D，但小弟比較木耳，所以並不覺得差太遠，經過一倫工課後、知道金仔還有E650,所以決定再試一次音，心想如果差唔多就買金仔、今次帶埋老婆去試：
DAC:Cary 600
M:金仔E650、E480,老麥7200
出來結果出乎我意料之外，老婆話老麥出色好多、本人覺得好奇怪根據在綱上各位師兄的評價，應該各有千秋才是，無理由差咁遠，有冇高手可以俾D意見。
*本人聽80、90流行曲為主，當日也有試天下第一鼓
*是否喇叭左右到勝負