- #1 [hoishun], 17-04-01 00:02
- #2 [pan], 17-04-01 00:16>#1 ...其實有好大既bug..
「...去日本生活...好大既bug」是指sbug嗎?
路是人行出來的 - #3 [gskk], 17-04-01 00:18讚
-
- #4 [hoishun], 17-04-01 00:18報章訪問果d所謂成功例子...其實有好大既bug
我講既bug係指報導可能既誤會
因為睇過好多例子...其實佢地都係生活左幾年..只係拎左一個暫住既visa
但報導形容到好似已經拎左永住權,但日本既永住權其實係要足10年先拎到 - #5 [hoishun], 17-04-01 00:20小弟其實準備下年同太太去日本生活,但做完功課後...覺得未如當初諗到咁美好
而且都係困難重重,不過既然有打算,當然有準備,以上只係我面對既困難同事實
所以想同大家分享及求教:p - #6 [hoishun], 17-04-01 00:25補充多少少,如果唔係拎住暫住visa (工作,求學,or投資等)只係一般travel visa係開唔到銀行戶口
如果有需要例如買樓收租.,都係要透過中介,
但當申請左經營簽証就可以開銀行戶口.
最後修改時間: 2017-04-01 00:26:51 - #7 [Phil], 17-04-01 00:33人離鄉賤! 去日本去加拿大去美國英國都係一撚樣!
- #8 [呀金], 17-04-01 00:36最慘係 ... 留鄉也賤
- #9 [hoishun], 17-04-01 00:39過兩個月,有時間會去下日本其他地方睇下,心水係福岡一帶
因為生活成本又平d..返黎再同大家分享下.
不過都係果句,去邊都唔緊要..最緊要生活開心. - #10 [老餅BRIAN], 17-04-01 00:552015年想去日本買間樓仔,當時係日元最低迷,之後去過日本幾次,越來越發覺唔係咁適合長住.間中玩十日八日可以,長住好難適應.日文唔係問題,飲食都可以,生活習慣可以慢慢適應,最大問題係五六點已經天黑,....
- #11 [hoishun], 17-04-01 00:58老餅兄:
同意,所以我同太太原本計畫長住,而家可能會變左有時間就過去叉下電
原本都想買樓,但真係覺得d錢有去冇回..不如租更化算. - #12 [老餅BRIAN], 17-04-01 01:05當時好衝動,做足功課,問哂價,聽過講座,預咗係無乜回報,諗住去日本旅行唔洗租民宿,酒店.仲去睇過樓,來來回回好多次,因為機票唔貴,去多幾次發覺日本衹係一個可以去旅遊但唔適合長住地方.因為小弟習慣香港式生活.嚮日本,除咗幾個大區,晚上八九點已經好似香港三四點咁靜.連旅遊區商店街一到六點已經關門,有的二三點賣完貨已經收檔,好唔習慣.
最後修改時間: 2017-04-01 01:12:52 - #13 [Joeyd], 17-04-01 01:10咁10年內生仔女,仔女入唔入到藉? 點入?
有冇得自己另外買醫療保險? Thanks - #14 [bluejay], 17-04-01 01:14去一個新的地方長住,一定要有冒險精神,入鄉隨俗。不放棄香港的生活習慣,好難會住得開心。 樣樣以香港標準去看和衡量,何必移民?
- #15 [tpe_ryan], 17-04-01 01:15走得到 代表閣下有實力有氣力
大部份人有氣力冇實力 冇得走
香港人 任你點叻 去到外國都要減低一個量級
又吾見香港富商們長居外國?
富商係有錢 但又冇左係香港的影響力
外國人吾會當你係自己友
另一層次問題 - #16 [hoishun], 17-04-01 01:17Joeyd兄
因為我冇小朋友..呢個問題冇問過,如果有其他師兄有經驗都可以分享下
但以我所知,小朋友如果要公立學校讀書,父母都要有永住權,否則只可以報讀國際學校(簡單d講教育開支要自行支付)
保險方面,我只係問過香港既保險agent可以將我份醫療保單加保到cover到日本地區,冇問過當地保險要點攪.但就要另買一份一年既旅行保險大約都係幾千蚊. - #17 [hoishun], 17-04-01 01:19bluejay兄
同意,所以第一件事先去學好d日文,一定有基本溝通能力,否則去邊度都係唔會住得開心.
其次就係尊重當地既文化..唔好學某d國家既人..要人地去就你.. - #18 [hoishun], 17-04-01 01:23其實都打算左一段時間,亦都多次去日本探路同埋了解下生活問題..
但有時真係迫到埋黎好多野都可以解決到,以前叫我去學多樣野我都懶
不過今次自己主動搵埋學日文,同埋了解人地生活習慣..如垃圾分類呢d野
其實呢兩次去日本,雖然行民區多但都感受到其實佢地唔太喜歡外來人..
去旅遊區更甚,所以我覺得有心理準備都好...慶幸香港生活唔需要一下子放棄仲有半條回頭路 - #19 [老餅BRIAN], 17-04-01 01:26hoishun
.......
日本投資移民都好難,最多比個居留權你,所以都係放棄移民,
生活習慣,垃圾分類,坐車,排隊,買嘢,食完快餐自己收拾都唔難,我最難頂係日短夜長.
最後修改時間: 2017-04-01 01:39:51 - #20 [bluejay], 17-04-01 01:33點解唔考慮台灣?一過一次,就算係台北,當地人都比香港人有禮貌同無香港人咁冷寞。公德心也優勝,去吓那些公廁便知一二。
- 下一頁 (1 of 5)
- 返回 ...
講下好多人都發夢可以有朝一日去日本生活,經我明查暗訪,做晒功課..我可以俾個總結大家...易知難行..而且極難...仲有..報章訪問果d所謂成功例子...其實有好大既bug..因為以我了解..拎日本既永住權係要10年時間..而唔係攪左壇生意就保証拎到個居留權..只係拎個visa..但只要國策有變..一切努力回到解放前..
講下日本生活會遇到既難題先(起碼係我遇到..or將會遇到):
1:言語同溝通,你唔識日文..去下旅行都可以指手畫腳..但你試幻想下係香港生活.你唔識英文..廣東話..etc..簡單d講溝通唔到.你會好綁手綁腳..所以..先學下日文..打好既溝通基礎..唔好諗住下下去藥房都有個識中文既人招呼你..
2:飲食..無錯..香港人飲生種類多姿多彩..去日本玩下當然食好住好..但你要留意..日本野食..最著重係食材..但到你自己買野返去煮..食多幾餐都悶...更重要係..你問我.一餐之中.最重要係有湯水..所以呢個都係問題...總不能下下寄幾包中式湯料去煲湯吧..不過有d人冇咩所謂..所以呢個係我客觀問題..其實我去過好多當地街市..(當然唔係黑門市場呢d地方..總之..行多d地方了解下先
3:文化...日本人守規舉..亦都怕帶俾人麻煩..起碼我既印象係咁..但當你一個習慣左香港生活既人..多多少少都會性格奔放...入鄉隨俗..久而久之..其實心裡面都會有多多少少既壓抑...呢樣野係好多係日本生活過既人共同問題..但有d人話香港人生活一樣咁有壓迫感..嗯..只係城市生活既人都有共同問題..而且日本人真係排外..特別係..大家都知咩事...如果你係鬼佬又另計...
4:居住問題..呢樣相對比較細...因為買同租都比香港平..而且環境相對企理..但日本買樓呢個神話..我了解過後...覺得比倫敦金更加老襯..因為..你有80%心準備係total lost..or..起碼有輸冇贏..點解咁講..core地段唔計..行遠少少...其實買賣好疏落...但租盤極多...有幾多?望下..https://realestate.yahoo.co.jp/rent/06/27/a/
淨係一個區..已經有成千上萬個盤..我任你d盤有幾多水份都好..其實租係供過於求..至於做民宿又點呀?..好..呢樣好多想覺得幾十萬買個單位收下租..又有人打理..都唔錯..但事實上..airbnb呢類型既民宿合作係灰色地帶..有時你好地地訂左房..無啦啦俾人cancel..而個host又唔再出現..好大可能係..因為有鄰居投訴..導致佢唔可以再將單位分次出租...到時..你間屋..真係養老鼠..因為日本樓既出租率其實好低..唔好用香港人既眼光去睇...呢樣大家要做多d功課..因為一個樓市健康或者有活力既市場..根本冇太大空間俾外人入去..香港係一個例子...最重要一點..一百幾十萬既樓可以話99%係申請唔要按揭...你現兜兜拎舊錢..仲要有風險..想短住...不如咁..你走去買隻公用股..收下息..幫補下..租樓好過..而且保險唔係100%賠足俾你...我講地震..但83年後起既樓有7級左右既抗震能力...信不信由你.
(之前d報導話什麼買左樓可以申請一年visa..我親自問過中介.絕無此事)
5:居住權..好啦..當你真係解決晒以上既問題..可以正式搬去日本住..咁當然要解決居留權呢個問題...即係申請一個永久既居民身份..(同入藉唔同...只係可以住..冇投票權..唔洗改日本名.你想改都冇門路..鍾意可以係香港改完先去..冇人阻你) 一般..投資or移民or.中介會將件事講得好美好同埋好簡單..好似俾錢就得..(呢樣事實都係..你有將錢掟落咸水海既準備,咁就冇問題..)
因為..首先..你要係日本開間公司...而且需要當地有個日本既法人代表...而你公司需要有最少500萬既資本(呢筆錢其實可以用既)
即係你地聽人講..咩38萬就可以移居日本啦...但..佢冇同你講..其實..如果用呢個投資經營既形式係需要長達...10年..即係話..到目前為止..有幾多人拎到永住權...係一個迷...另外有一個係高級收入或專業人仕既簽証..呢樣就快d..不過年收入要3000萬yen..或有一定學歷或者係專門技能..我睇完計分表..我覺得有咁既條件..我去瑞士o趙下利口樂買下勞唔好..做咩要去日本...
咁第一筆5球野日元..咁你間公司真係要run..因為你每年收下唔可以少過300萬yen(其實冇實質數字..但中介公司有提及..呢個係約數..)..而且仲要將收入既一定數目交稅..(15-20%不等)..咁中介公司就同我講...可以開間公司同當地既民營合作,佢會當你顧問公司每月俾返一定既錢你.但你同佢既業務係冇關係.(好處係有事都唔洗上身)..(即回報你)(以回報計..資本需要1500-2000萬日元不等)...每年俾返回報你..但有個問題..5年後..佢地會同你買返個合作身份..俾返d資金你..聽完好似好著數..但....問題係..個永住權要10年..即係話5年後.你又要搵另一間公司..由於你人生路不熟..5年後..如果你要自己攪呢樣野...到時我真係恭喜你..(不過我都問緊有冇d一勞永逸既合作伙伴..)除非..你開左間公司..自己過去捱驢仔...如果係咁..我做乜要咁辛苦..???...所以話呢條路亦都唔易行..而且多多問題...三思..
但如果係專才既話..其實要拎永住權係唔難,但小弟不材...
6.工作,好啦..其實我冇諗過自己可以做d咩野..但日本工作出晒名壓力大...捱世界我留係香港好過...但諗深一層..日本經濟都唔係咁有起色..你可以去做乜..樓上講既airbnb..?代購定係??我諗過好多行業...但最重要既係...自己做生意..困身..搵錢唔一定多過香港..一般打工仔.冇一技之長..去到..唔通真係去捧餐咩...所以如果對自己工作能力冇信心..去到日本..生活仲慘過再見螢火蟲..我個frd叫我賣燒魷魚..嗯..
7,地震問題..好啦..呢個係日本人生活既一部份..咁我俾少少資料大家參考下..日本震得最勁果幾個地方其實係我地最常去既
http://travel.ulifestyle.com.hk/DetailNews.php?id=ADsRZREpA3UMLA
總結,當然有唔少成功例子...日本..城市有城市吸引之處....規劃亦都好完善..但離市中心遠d既地方..其實你會發覺生活唔係想像中咁方便..對比香港..我上次住櫻川..其實離難波都係一兩個站...但我同老婆想食少少野都唔多選擇..再遠d既地方更甚...至於鄉郊地方..下次有機會再去探下路.但我未有果d辭官歸田既覺悟.始終我都係鍾意誠市多d...
最後修改時間: 2017-04-01 00:10:49