異國短毛(加菲貓).
自小多病. 不太愛活動.
約8-9歲了. 想約每年一次大體檢. 有冇介紹?
謝謝.

祇是驗血,任何一間都可以,黑店除外,事後跟進還要花錢。貓如果沒有食生肉糧,健康一定差,尤其是名種貓,可以百病叢生,但香港很難找生肉糧,就算有,也會拒絕進食,看獸醫,如有肾病或FIP,診金也是高昂,所以不再養,除非食中药,自己開。有些猫友也半夜揸車来找中成药,其實只是一些普通的霍香正氣丸,调理腸胃,對肝和肾病可改善食慾。

最後修改時間: 2024-04-28 09:03:39

早兩年去過深水埗城大獸e ，大學資源畢竟比外面豐，e 生及助理亦然，有教授駐場，但商業化經營，收費絕唔親民

我一直對城大獸醫印象麻麻地

收錢收得好狼死

我識得有個老友，佢有隻比熊，話驗血驗到肝功能少少差咗， 同佢做咗肝臟biopsy，抽組織之後內出血，入咗ICU 好多日，最後埋單80幾萬。 最無謂係化驗結果一切正常，最尾肝功能自己回復正常

另一個case，幫我煮飯嗰個家務助理有一隻12歲嘅史立莎，過年嘅時候可能餵少咗一餐，亂咁食嘢，吞咗一嚿外物落肚塞腸，城大獸醫話唔開刀，因為年紀大，展望差。 最後人道毁滅左。 隻狗我都見過，本來活活潑潑。 其實塞腸只係一個外科急症，隻狗本身冇長期病患，點都應該比一次機會佢。 我忍唔住都同個家務助理講，點解唔問吓我意見。 呢啲擺明係突然間發生嘅mechanical obstruction，手術又唔複雜，隻狗本身又冇medical issues，況且12歲都唔係真係老到隨時死得，點解唔開刀？

之後我再問返好多我啲熟人，個個都話冇乜嘢唔好搵城大獸醫， 一係掠水，一係小事都可以瓜老襯

有D自己伸頭比人掠的感覺。尤其係愚村收費,質素同服務都不成正比。另外我隻貓己有十幾歲，如無乜唔妥我情願唔搞佢。出街同去睇醫生加埋D化驗檢查對佢都好stressful。何況己一把年紀比你驗到有D野超標都好合理,但之後又冇乜有建設性既野可以做。

最後修改時間: 2024-04-28 10:47:42

假装有得醫,其實没有辨法,两隻貓死於腎病,祇是打皮下水,其實自己以前也懂,去磷丸,没有洗腎或换腎,多留意是否多飲多尿,淘宝有折射式尿液比重计,更實際。
,
人患上癌症也是一樣

最後修改時間: 2024-04-28 10:55:22

貓貓狗狗唔似人，可以話俾主人聽有乜唔妥，或經診斷後食藥有乜感覺或食啱藥，主人純粹睇佢有冇食慾，精唔精神，睇檢查報告或者睇到d 端倪，但食乜藥打乜針對佢幫助/纠正報告內嘅嘢對貓貓狗狗可能係引致痛楚/傷害，作為主人，好多時帶著情感去決定e或5 e, 靠e 生建議定唔靠，唔少 variables 導致對哪些e生口脾，好參差。

如無乜唔妥我情願唔搞佢。出街同去睇醫生加埋D化驗檢查對佢都好stressful。 x 2

祇是驗血,任何一間都可以 x 2

如果真係好擔心，可先驗全血。發現邊度有問題，先再針對嗰度去醫。不過我都係覺得如果無乜唔妥，就唔好搞佢。

最後修改時間: 2024-04-28 12:08:10

有的猫草之類可减少壓力,但仍有機會惹了跳蚤,用猫蚤带,部份牌子會引致腎病,我懷疑用了入血式殺蚤药引致腎衰竭,没有滅心絲蟲那種。

老貓體驗？
淨係 試過老貓燒鬚。：-）

#8 x2

祝願 各位 貓貓身體健康！

9歲不是太老,不是每年7歲,而是頭一年20歲,然後每一年4歲,祇是52歲,上一代的波斯猫,有点混種,不是扁面,活到18歲,本地貓也很易養,什麽都食,除了绝育,未看過獸醫。

8-9歲了？貓歲月仲係青年仔，未過15年未入老年，我一隻已經快25歲(街貓收養，末知確實出生年份)，另一隻已13年，年初走嗰隻養咗接近20年。

養貓可以很简單,食好的,病痛都小的,猫原是沙漠動物,很少飲水,獵殺雀鳥,蜥蝪,老鼠為生,除了非洲的鱼猫,很少食鱼,现今的貓糧,歪曲了它的本性。

我主子4歲時曾經因尿道有晶體塞住（乾糧造成），小便唔到，屬急症，好在及時送院救得番，之後一直健康冇事，但要長期食通屎道貓糧防止再塞。

純種貓因近親繁殖較多有遺傳病；一般唐貓會健康同長命啲，唔好嘅基因會被取代。

貓一歲成年以前通常會好動，跑跑跳跳，一歲後會鍾意躺平或瞓覺，唔多好動。

最後修改時間: 2024-04-28 17:27:30

#8
謝謝. 我貓唔怕出街. 我啱啱先抱佢落海旁坐左半個鐘.. 佢係連貓帶都唔駛綁果種, 懶洋洋既加菲貓.. 由細到大都係咁. 唔係診所規定的話, 我連貓袋都唔入

唔止想驗血, 想照埋心臟果啲.

我隻11月大貓女，多屎多尿，以前自己去星盆企缸飲水，近日買左個不用插電飲水機，佢自動識埋去飲
.

.

pk貓糧又加價，$28.5– $30.5上星期，頭先又$32.5，正pk

我貓12歲先做全身抽血檢查，之前是每年帶去打針。
檢查又話佢一切正常，只係心聽到有小小雜音。跟住帶去照心，結果係佢心臟無事，因為貓同狗唔同，貓心有雜音未必有事。
以為ok啦， 過咗半年左右，發現佢個身嘅味唔同咗，有小小臭。約獸師，呢次check到話血壓高，但因為我隻貓一入袋就stress，所以食一星期藥又要帶佢睇咗一次，即係隻貓又stress多次。
跟住我問可唔可以打埋三個月後嗰支針（每年9月打針，簡單檢查）因為我唔想隻貓又要入袋，佢又再stress過。
醫生話可以，宜家貓每日食降血壓藥，個身啲味似返之前，但無咗草香味。
但至少唔臭。

之前隻貓覺得佢太瘦，帶佢去check已經遲咗，原來有肝病。所以淨返呢隻唔想再出事。