小弟無近視的，對矯視眼鏡無乜硏究。有無師兄可以分享下，我只係有些懷疑，如果係咁 work 點解一街細路都戴緊眼鏡？

先謝謝各位

唔信囉。同白色情人節差唔多，商家作出黎。

不過以前有個鄰居個仔約7,8歲，話睇野唔清後驗左有100度近視，
佢媽迫佢每個鐘定時望遠野同眼球運動，約半年真係有效好返咁制。
可能因為佢係細路同竟然咁有恆心有關掛。

＞＞#1.如果 咁 work .點解一街細路都戴緊眼鏡？
--------------------------
up下.

或 麻煩, 風險 & 價錢 問題...

最後修改時間: 2018-03-19 11:06:03

麻煩, 風險 & 價錢 問題... x 2

價錢我就覺得 ok. 萬零蚊，配幾次眼鏡都係度

其實係太太朋友和學校運動老師推介矯視，學校運動老師重反問我點解唔做？

因為我無近視，無留意相關資訊，都係上黎問下穩陣啲

因為佢主要瞓覺時戴，靠物理作用，戴8個鐘，令角膜弧度去返正常位置，然後十幾個鐘內有效。

長期戴，唔會減低度數，不過發育時期嘅小朋友戴住，希望度數冇跳升得咁快。我細仔八，九歲驗到有一百度開始戴，戴到18歲都係keep住一百度，之後入咗大學就懶戴，因為要定時，啲後生成日夜瞓，而且硬鏡都幾un, 唔舒服，又要每日清潔浸藥，我都叫做功成身退。

7，

謝回覆

請問係咪萬幾蚊一年？我家唔俾玩手機但小女係書蟲，又喜歡畫畫，上年都無近視，今年已經二佰度

每年換鏡4千幾，包驗眼。

好似配眼鏡咁，間間不同，理大都有。但我個價錢已outdated, 最近嗰次都3年前，大約4,5千包每年驗眼。大約一至兩年要配過一對，視乎日常保養得好唔好同變形與否。以前我帶佢去過兩三間有得試戴嘅，最終揀咗間佢話冇咁un,我估可能物料各有不同啩，不過網上都有個別例子話戴呢類鏡清理不當同睡覺時淚水同氧氣量不足都對眼睛有害，樓主要自己衡量風險。

多謝各位分享