- #1104 [DY2036], 24-04-30 23:10
- #1103 [DY2036], 24-04-28 20:30
乜嘢係經典?
最起碼一提起大家都熟悉,當然仲係出類拔萃或者當時係共同嘅話題甚至係集體回憶。
噉如果我講經典中嘅經典噉又點去理解?
我做咗個測試問我太座,如果有隻歌一聽腦海裏面就會出現一種交通工具噉嗰隻歌嘅歌名係乜?佢思索咗兩秒便正確講出咗個歌名,平時佢通識嘅能力就通通都唔識,今次竟然咁快答中咗個答案所以我更加相信呢首歌真係經典中嘅經典。不過唱呢首歌嘅歌手當時應該係新人,除咗呢隻歌走紅之外我都唔知佢有冇出過個人大碟。呢隻歌可以紅起來唔係靠歌手高超嘅歌唱技巧(當然本身隻歌嘅旋律同埋填詞都相當唔錯),而係靠電影裏面嘅經典場面。呢隻歌基本上聽頭嗰三個音或者最多九個音你都應該知呢隻係乜歌,如果你腦海裏面冇顯現嗰種交通工具,只可以講師兄你實在太後生喇。
如圖擴音機推喇叭出聲再用mic收錄。
最後修改時間: 2024-04-28 20:45:04 - #1102 [DY2036], 24-04-26 23:23
如果講到邊個國家最迷信,可能大家都有個錯覺會係中國,因為中國人係又拜唔係又拜石頭樹木都拜一餐。當然正宗嘅佛祖或者觀世音比較多人拜祭或者供奉,但係一啲虛構角色例如孫悟空同豬八戒都有唔少人拜祭。歷史人物關雲長黑白兩道大家都會供奉,但係當然就唔係因為呢個人升咗做神仙,而係大家認同佢嗰種忠義嘅精神(即係供奉嘅係一種精神或者信念)。雖然大陸裏面係滿天神佛,但係大家坐埋都唔會質疑對方個信念或者佢拜嘅神嘅能力,大家只會抱著你有你拜我有我拜互不相干。除非嗰個人係拜鬼仔或者拜啲邪靈噉就可能啲人會怕咗佢。
但係響西方或者中東呢啲國家有唔少嘅教派,雖然佢哋嘅名稱不一樣不過歸根究底佢哋崇拜嘅神都可能係同一個。似乎大家都一齊去爭取誰為正宗噉樣就導致大家處於對立嘅狀態,有時可能去到唔係你死就係我亡嘅境界。而家有兩場可能影響世界嘅戰爭正在進行中,決戰雙方可能都係信奉同一個神,但係當雙方都祈求唔同結局嘅時候,噉究竟神會點樣處理。
如圖擴音機推喇叭出聲再用mic收錄。
最後修改時間: 2024-04-26 23:28:43 -
- #1101 [DY2036], 24-04-26 00:03
如果一個人唔係用母語同人溝通,而佢又唔係經常使用嘅話當然無論書寫或者說話都可能會出現錯誤,笑話好多時就喺響呢度出現。特別係早二三十年前當香港人(包括我自己)上大陸搵食嘅時候講埋啲唔鹹唔淡嘅普通話(特別係我其中一個手下係北京嚟嘅)或者同外國人用英語交談都會出現好多笑話,當然外國人講返廣東話一樣會發生相同嘅現象。所以笑咗就算唔需要記響心裏面。
呢隻歌令我諗起小鄧開演唱會嘅時候,如果佢唱英文歌似乎都一定會唱呢隻歌。好似上面咁講中國人唱英文歌通常嘅情況之下比起外國人唱好似硬係爭咁啲啲,當然我唔係話佢唱得唔好,唱得好唔好係兩件事。噉不如搵個外國人用返佢嘅母語再唱一次,睇下大家認唔認同我嘅講法。
如圖擴音機推喇叭出聲再用mic收錄。
最後修改時間: 2024-04-26 00:04:16 - #1100 [DY2036], 24-04-16 15:30
香港有IFC廣州都有,澳門有澳門塔廣州有廣州塔。
香港有新世紀廣場當然廣州都有新世紀廣場。
最後修改時間: 2024-04-16 15:31:26 - #1099 [DY2036], 24-04-07 23:58
唱高音嘅男歌手或者女歌手俾我個印象主要都係唱歌劇,對我嚟講我就唔係太欣賞因爲我覺得好似聽佢表演唱歌技巧比較多。最後不如播返一隻正正常常嘅西曲,唔需要咁高嘅技巧一個西女唱返一隻西曲,衹要佢落足感情一樣可以感動人。
如圖擴音機推喇叭出聲再用mic收錄。
最後修改時間: 2024-04-07 23:59:16 - #1098 [DY2036], 24-04-04 21:15
呢隻改編嘅中文歌由香港一對出名嘅夫妻歌手所唱,男歌手嘅音域出名非常高。估唔到英文呢個版本唱嘅一對男女原來係男女高音歌手。
如圖擴音機推喇叭出聲再用mic收錄。
最後修改時間: 2024-04-04 21:15:39 - #1097 [DY2036], 24-03-30 21:55
其實音樂同歌曲點樣去分界,係咪但凡一隻音樂裏面衹要有人聲嗰隻就叫做歌曲?
譚校長當年有一首歌就創造咗最簡單嘅歌曲,因為來來去去都係唱同一句:「我愛你愛到發曬狂。」。不過如果衹要有人聲嗰隻就叫做歌曲,我諗呢隻歌會係經典中嘅經典因為成首歌人聲只得一隻音。
如圖擴音機推喇叭出聲再用mic收錄。
最後修改時間: 2024-03-30 21:56:17 - #1096 [DY2036], 24-03-30 16:30
仲以為呢幾日有幾十萬人出咗境,噉香港會唔會變咗做死城?
香港一角 - 今日鴨寮街。
最後修改時間: 2024-03-30 16:31:03 - #1095 [DY2036], 24-03-29 22:34
有時真係估佢唔到,諗住完咗呢個話題播返隻日本歌好可惜竟然禁咗,噉不如播返幾隻西曲調劑下。
呢隻歌一聽就令我感覺個人好似飛咗上白雲上面有漫遊天際嘅感覺,可能我中咗廣告商的毒。
如圖擴音機推喇叭出聲再用mic收錄。
最後修改時間: 2024-03-29 22:36:55 - #1094 [DY2036], 24-03-28 21:57
既然呢啲膠笠超人主要都係架仔嘅出品,噉不如搵返個架仔嚟唱呢隻串燒歌會唔會更有味道。
如圖擴音機推喇叭出聲再用mic收錄。
最後修改時間: 2024-03-28 21:59:18 - #1093 [DY2036], 24-03-25 21:43
架仔除咗漫畫同卡通片厲害之外,仲有啲著咗會焗到生熱痱嘅膠笠超人。有超人自然有怪獸,咁多隻怪獸我最驚嗰隻就係巴魯坦星人,因為佢會突然間隱形唔知幾時喺邊度又突然間走返出嚟,靚仔嗰陣時真係好驚(好似啲鬼片噉)。好耐之前有個親戚話有成套超人處境公仔問我要唔要,我話我唔要成套我衹要一件。
唔知隔咗幾耐有套鐵血戰士,嗰隻外星人都有相同嘅能力唔知係咪睇咗日本呢套超人片得到啟發。
如圖擴音機推喇叭出聲再用mic收錄。
最後修改時間: 2024-03-25 21:45:39 - #1092 [DY2036], 24-03-24 21:03
我細個嗰陣時日本呢個國家對我嚟講,乜嘢都先進乜嘢都領先,我哋大多數用嘅電器或者接觸到嘅音響都係日本製造(計數機、收音機、卡式機、錄音機、唱盤、擴音機、MD機、CD機、錄影機、冷氣機、電視機、雪櫃、洗衣機、電飯煲...數之不盡),當然仲有好多童年回憶嘅卡通片。
好可惜佢當時真係做得太出色,功高蓋主...自然梗係俾主人一棍毆死啦,從此迷失卅年直到現在都混混沌沌。細個嗰陣時睇佢啲卡通片系好正經、好有人情味、好感人。可能佢響呢卅年裏面經濟下行,好多知名嘅公司都已經結業或者甚至畀人收購咗,乜嘢匠人工藝早已消失無存,近幾年只換來好多大企業被爆出造假數據(十幾廿年前已經開始做假),佢嘅高層頻頻出嚟道歉。可能人浮於事從此就殺出咗一啲色情、變態嘅行業出嚟,當然卡通都唔例外嗰啲女角身材超勁著嘅衫就越嚟越少,呢啲卡通公仔已經唔係小朋友嘅玩意卻變成咗某類成人嘅收藏品。
點都好啦不如聽返隻經典中嘅經典,真係兒時嘅回憶。
最後修改時間: 2024-03-24 21:04:26 - #1091 [DY2036], 24-03-23 21:50
- #1090 [DY2036], 24-03-19 00:26
邊個話守護地球一定係男人,女性都可以頂半邊天,架仔的卡通當然會照顧埋女性嘅感受。
如圖擴音機推喇叭出聲再用mic收錄。
最後修改時間: 2024-03-19 00:27:48 - #1089 [DY2036], 24-03-17 22:18
要講出名就一定要講呢套卡通片,不過奇怪就奇怪在套卡通個名就好似好益智,但係裏面嘅博士就好鹹濕。
如圖擴音機推喇叭出聲再用mic收錄。
最後修改時間: 2024-03-17 22:19:04 - #1088 [DY2036], 24-03-17 19:50
食麵包梗係要去一間曾經攞過世界冠軍嘅麵包鋪。
最後修改時間: 2024-03-17 19:51:02 - #1087 [DY2036], 24-03-16 22:23
當然呢套卡通仲有一隻主打歌。
其實好多時大家道橋嗰陣時成日都會講呢句:「Think out of the box.」,當然講就容易做就比較難。不過呢套卡通叮噹啲寶貝同埋佢嘅功能有時真係超出你嘅想像,絕對係可以激發起小朋友對科學嘅興趣,應該列為小學課程嘅一部分。
如圖擴音機推喇叭出聲再用mic收錄。
最後修改時間: 2024-03-16 22:34:40 - #1086 [DY2036], 24-03-15 23:25
其實響早幾年有套長壽嘅日本卡通,有個香港配音員都突然離世,對好多由細睇到大嘅香港人嚟講都覺得好愕然兼且好惋惜。卡通裏面主角嘅靈魂絕對係由呢位配音員賦予佢嘅生命,所以突然間轉咗另外一個配音員其實大家都一時間好難適應。
如圖擴音機推喇叭出聲再用mic收錄。
最後修改時間: 2024-03-15 23:26:49 - #1085 [DY2036], 24-03-15 20:33
日本嘅卡通界今年初出現兩年大事,龍珠嘅創作者同小丸子嘅配音員相繼離去,以年紀嚟講係日本都算係後生。
如圖擴音機推喇叭出聲再用mic收錄。
最後修改時間: 2024-03-15 20:34:57 - 下一頁 (1 of 56)
- 返回 ...
講開交通工具噉不得不講最受歡迎亦都速度最快嘅跑車,跑車有多種顏色但係我一定鍾情鮮紅色。因為鮮紅色我先覺得呢架車夠辣夠勁,其他嘅顏色我覺得最多只係「形」。
如圖擴音機推喇叭出聲再用mic收錄。
最後修改時間: 2024-04-30 23:11:43