- #119 [Richcoln], 18-10-16 16:39法蘭克福舊歌劇院(Alte Oper)內的Gross Saal是1980年代日本哥倫比亞公司(Nippon Columbia)錄製馬勒交響曲全集的場地,聲音非常溫暖和濕潤。我在2000年6月到當地觀展期間聽了一場由Frankfurt Radio Symphony Orchestra演出的午間音樂會,壓軸曲目是柴氏的Manfred Symphony,最後樂章的管風琴極其震撼。
- #118 [thomasc2], 18-10-15 12:31最新鮮的體驗,座位已經相當前及正中,但聲音點都係有些濛,今次竟然用HK Phil 伴奏,聲音又出奇的好,直情有些喧賓奪主.
- #117 [Richcoln], 18-10-15 12:20這是悉尼歌劇院裏最大的演奏廳,比香港文化中心音樂廳大得多。1998年4月中我在那裏聽過一場音樂會,當時在中後座,最強音時感覺音量稍弱。1999年4月再到悉尼時改買靠近舞臺座位,聲音大為改觀。
-
- #116 [thomasc2], 18-10-15 12:20又以為文化中心opera theatre聲音算唔錯,但比起這裡的就差左些.兩處面積大小應該差不多但這裡樓底似乎較底,以音響友的術語來講,歌者的咀形細得多,直情是近距離對住你唱一樣,聽Rigoletto近尾一段四重唱"定位" sharp到暈.屋企做到七成都發啦!
最後修改時間: 2018-10-15 12:32:58 - #115 [thomasc2], 18-10-15 12:02以為文化心concert hall 已經相當差 (根據多年前的印象) ,這個可能更甚. 可能容積更大,結果聲音更散更弱.也有聲音向上衝的問題,像文化中心一樣在音樂台上方加了一些反射裝置.
p.s.聲音聽唔清,但Mutter就睇到好清,好靚! - #114 [thomasc2], 18-10-15 11:53最近去過這種裡
- #113 [hkcyli], 18-06-30 11:33玩好音響,所指玩出自然真實的音樂再生,基本條件有二。
1)後生⋯⋯耳仔靈,現場閉上眼睛,能夠輕易聽到成隊交響樂團,各聲部在舞台的發聲位置。
2)仲未有被歪理誤導前,建立真實聲音的聆聽經驗。
擁有以上條件,才會分辨咩音響器材可以再生現埸音樂!才會選擇咩訊源載體可以做到忠實保留現場!
重播若然簡單到連舞台聲部位置,都播放唔到;或者更橙地聽唔到⋯⋯咩碟的聲音都係炒埋一碟,如何分辨以下那一隻CD的聲部有"走位"和"消失"的現象?分辨唔出,係咪兩隻都好很電?或者各有各電啦!?童子軍跳彈床式玩音響,真實自然的再生重播,是永遠不能企及的現實。 - #112 [hkcyli], 18-06-29 17:49記得十九幾年前,學人開始玩音響,初有所成(自己以為),揾朋友上門諗住威下。播佢帶來的以下電子音樂CD,一開聲立即收皮!!!聾的亦知咩樹⋯⋯聲音炒埋一舊,難聽到極。。。。。。
今天,各聲部層次分明⋯⋯當年今天分別係天與地啊。感動!呵呵!原來要播好電子音樂,和古典一樣咁久難。 - #111 [hkcyli], 18-06-27 17:38目測大量木制牆身,"暖聲"與此有關?⋯⋯有待日後親身觀察丶引證。
- #110 [hkcyli], 18-06-27 17:33呢隻CD制作不得了!支小提琴係示範級的"溫暖"和"貴氣"聲音,比美Holland好聲!!!
在意大利一音樂廳錄音,電!!!即時列入探訪音樂廳名單之中。=D - #109 [hkcyli], 18-06-19 18:44作為消費者,特別係追求極致音樂重現的音響發燒友,就是歡迎一切追求真實自然錄音的制作!
那一個更真實自然?
如何鑑別?唯一可靠就是親歷現場,了解現實音效實況,以此經驗再和重生音樂對照類比!
以下兩隻同屬於高水平制作,動態、堂音丶空間感丶各樂器的聲音質感,難分難解!唯獨是舞台的定位完整呈現,才會明顯地分出高下了。一隻各聲部起首到結尾,定位穩定丶分明;另一隻則竟然有聲部在舞台"走位"或是某聲部在合奏中"消失"!!!
以音樂廳現場聆聽實況經驗去比較,是最堅實可靠的判斷標準!
最後修改時間: 2018-06-19 18:46:26 - #108 [hkcyli], 18-06-19 18:22世界上,萬幸仍有不少唱片公司,用認真的態度去保留古典音樂的演奏。在大型的錄音室,不是已經可以錄制了嗎?為何勞民傷財,勞師動眾,跑去一個古舊音樂廰做録音制作?
為得,就是為了追求極致! - #107 [zoltm], 18-06-14 16:05https://baike.baidu.com/item/%E6%B7%B1%E5%9C%B3%E9%9F%B3%E4%B9%90%E5%8E%85
最後修改時間: 2018-06-14 16:05:54 - #106 [hkcyli], 18-06-14 13:45又回到深圳音樂廳,葡萄園式設計。整體感覺算靜,吸音好明顯,自己拍手掌就分別到。聲音質感比文化中心音樂廳實在許多。同一晚分別坐在D和J區正中位置,聽感大致係乾淨的直接音,在較後的J區有輕微的反撞聲,但不會有明顯的堂音效果,聲音沒有在舞台自然擴散開來的感覺⋯⋯當晚人坐在席間,就會懷念起ShoeBox型音樂廳,那種自舞台自然擴散開揚而來的音樂,結合自然堂音丶迴響豐富了的泛音充滿整個音樂廳,太令人陶醉了。。。。。。
玩音響再生現場演奏,要接近深圳音樂廳的效果,比後者容易太多太多了!!! - #105 [hkcyli], 18-06-11 14:04#104,
哈哈,有趣!正中問題的核心!
反問兄台,所描述的種種引至咖啡味道變化的情況,那一個不真???係咪唔識分就無樣真?唔係呱?極致頂級豆和渣豆,如何鑑別???
咖啡豆從種植地區丶年份間氣候等環境變化,都引至咖啡豆的味道成份産生變化。咖啡豆收成後的處理方法,炒豆淺深丶存放,磨豆方法丶粗幼丶篩粉,以至咖啡師的沖調方式(填粉,水溫,壓力),都引起味道産生變化,以上那一様不真?一杯極品的咖啡成品,就是全個制作過程極少原有味道的流失而造成"失真",甚至不"失真"!!!才為之極致!極致從來得來不易。。。。。。
重點就是制作過程每個環節引至的失真!(或者你想話係刻意改變味道!?!甚至加減乘除味都係珍珠都冇咁真?!?)到最後就是飲家所造成的失真!(自己口味為先,乜都加糖丶加奶, 許多微弱的味道,例如花香丶果香被掩蓋。),或者你認為個人口味好重要,甚至最重要!?!whatsoever!!! 總之,欲品嚐一杯極致的咖啡???唔係講笑呱?!反過來講,渣豆就要用心良苦地去勁加料加重味精,去達到改善其口感目的?!?咁!不如唔好飲!!!何苦呢。。。。。。
最後修改時間: 2018-06-11 14:07:38 - #104 [whizmika], 18-06-11 09:02我識唔識分,我無法言語中向你證明,但你所謂嘅「真」,喺言語間已經表露咗只係拘泥於有無加咗「非天然」成份,咁只係武斷地切除人及其使用嘅手法同工具對結果影響,而某啲影響對整體結果係有一定嘅關鍵性。
咖啡豆為例,未去到烘培師手中,之前農民收割後如何處理收割落嚟嘅咖啡果實已經可以令賣到烘培師嘅豆有著南轅北轍嘅變化。同一塊田嘅豆,經natural process,honey process,或者washed process嚟加工,帶出嚟嘅風味已經十分不同,但唔加工,咖啡果實係唔能夠變成咖啡豆供烘培用。到烘培師手中,烘培師選擇烘培嘅程度,溫度,爐嘅氣壓,烘培嘅時間長短等等全部對沖出嚟嘅咖啡嘅味道有深遠影響,工序可以無限地細化改良。再去到咖啡師,或者自己沖,用乜嘢方法沖,espresso定hand drip定Aeropress,hand drip用邊個dripper定用siphon,唔同dripper用乜嘢流速,沖嘅時候用水撞出嚟嘅自然水流,定用匙攪拌,都影響出嚟嘅味道,濃淡,係頭啖有衝擊,定細水長流嘅餘韻。同時亦都要睇飲咖啡嗰位嘅口味,例如鍾意咖啡油脂嘅,你用hand drip加paper filter沖,好難會滿足到佢地。
兄上經常強調嘅「真」,「原汁原味」,其實為之何物呢? - #103 [hkcyli], 18-06-10 20:22#101,
兄台咁鍾意評論人,就順你思路贈你幾句⋯⋯兄台玩音響,就同沖咖啡一樣,空信理論更被有心人誤導荼毒,從來就未有機會意圖/能力沖出咖啡豆的原有味道,根本沒有自我鑑別優劣豆的能力。音樂亦然! - #102 [hkcyli], 18-06-10 19:53係咩!?你咁現實,識分邊隻CD扭曲加料音樂嘛?隻隻都扭曲?定係隻隻都冇扭曲呀?你係聽出來?定係幻想出來呀?小心你的言詞呀!!!
- #101 [whizmika], 18-06-10 18:38原來又係同錄音一樣,兄上對咖啡嘅認識又係活喺幻想國度。
- #100 [hkcyli], 18-06-10 17:59咁有興趣討論,用兄台最擅長的方法,在六隻"豆"之中,去試出果隻扭曲加料,睇下有咩有趣結果?
- 下一頁 (2 of 7)
- 返回 ...