有部Cayin 17a cd機有頻密跳線問題 三,四年機不是時常聽 出入碟load機都冇問題 之前聽過一批舊同花碟就有經常跳線問題 請問是否光頭夠期要換定要清潔呢?謝謝!

三, 四年機光頭老化了, 香港 d 天氣, 你唔時常開機除濕氣, 仲快 d 壞

最後修改時間: 2018-11-28 18:56:22

咁快就打柴 請問254mm師兄換光頭難嗎？自己都拆過換左對德仔e88cc 但換頭封實晒好似好難拆 光頭陶寶有嗎？

最後修改時間: 2018-11-28 19:06:32

好煩, 有個罩蓋住個轉盤, 初哥考起

都想修好它換左膽真係靚聲好多 254mm師兄如識整可以pm我價錢同電話thanks!

最後修改時間: 2018-11-28 19:54:30

頭先同我呀哥一齊拆開部機除埋入面個罩用火酒+棉花條抹過光頭 而家聽緊冇乜點跳謝謝啦！

OK, 啦, 拆過就知不易了

幾年就打柴咁兒戲，我friend嗰部十幾年仲用緊，
可能以前用飛利普機芯好d，不過斯巴克用過幾
款光頭，要拆開確定係邊款先好買，唔係刁轉型
號，淘寶多數都有得買

網上淘寶全部都睇唔到，吹脹

而家太空都上到, 要整個耐用光頭有乜咁難喎?, 問題係廠家專登要整到好快壞, 先有回頭生意做. 你若是負責設計產品的工程師, 設計樣產品好耐用, 廠老細實話你倒米, 晨早就炒你先. 生活於現世代,要與時共進呀. 十幾年前, 你買架稍好的 CD 機幾錢?, 而家兩, 三千就買到, 十幾年前的四, 五千元等如現在幾錢?, 都係 Philips 好有眼光, 晨早就退出生產 CD 機盤生意, 知道大陸差隻腳入黎, 就冇得做啦, 而家仲退出埋或削減光頭及 Video 盤生意, official daisy-laser.com 都冇埋, 咁明未?

最後修改時間: 2018-11-29 15:46:47

所以現在日本的靚機通常都2/3萬起步，要靚就要比得起價錢

Cayin出17A應該05年左右，賣六千幾人仔，當時深圳樓價三千零一平方米，依家成十萬銀，以物價計巳算大制作

小弟有部CD22"摩機鄺改"好靚聲用咗超過十年,粒頭瓜咗!走去陶咗2隻新頭反尼但係"唔得"! 之後要走一個圈去Ebay幫襯美國佬連運費成仟蚊,先至攪掂!!