#40 讚同師兄做法, 起碼是配套更換. 當然部MF A100X 大管都係配唔到原來型號放大管, 我都要換晒2對MJ15003 & MJ15004. 搵到BJ550 & BJ560 當然用返一樣.

懂(技術)的自然懂，不過發燒音響用家而又懂技術的，敢說百中無一。

如果是幾萬元(指二手價值)以内的機，我一般都會自行決定。但比較貴的，就要非常小心處理。

況且MJ11032並非買不到，只是要大半年後才到貨。

最後修改時間: 2023-08-11 14:13:00

#39.
羅老師中晒!
記得廿年前我幫朋友整機, 部機燒咗對 MOS-FET 2SJ76/K213, 當時零件鋪只有 2SJ77/K214現貨, 我緊係照用啦, 我當然係買2對夾番左右聲道, 點知事後個朋友好唔滿意咁問我點解唔用原裝型號!!!
真係人都癲!

最後修改時間: 2023-08-11 14:05:41

如果機器是我自己的，我當然可以想出N個解決方案來。不過機器是人家的，而且用上Cello的都是有要求的用家，我不想在某年某月，看到某人對我有這樣的評價。

請問師傅點解唔用有貨嘅MJ11033?

#32
係我就一定等

#32
如果個個維修師父都好似羅密歐師父咁正氣咁透明咁有交帶就真係very good咯！最慘呢條神棍唔係佢自己維修！而係接到柯打就外判出去搵替工！就連部機乜情況都答唔到你！最離普呆等一年再問足一年維修進度都一味話未整好！再問佢居然問番你攞咗啲乜比佢做維修有冇影底相做証據！佢唔會有單據比番你係佢作風呢樣嘢樓主就清楚！

最後修改時間: 2023-08-10 23:06:51

Thanks for the advise!!!!

#33 如果真是dry joint，重新焊接當然是對症下藥的方法。我不會建議取消bypass muting電路，畢竟它的存在是有意義的。我建議將muting電路中所有電解電容和reed relay換新。

羅密歐cfu,

如是者, diy 有冇計呢? 飛起relay, 重新全板補焊幫到手嗎? 謝謝!

Cello電源板上，一粒MJ11032短路了。絕大部份國外供應商缺貨，Mouser今天報來，要明年五月才有貨，作為修機者，如果不換成其他型號，是否先將壞機入倉大半年等零件呢？作為機主，又會理解接受嗎？

#29 Musical Fidelity A100X為高偏流甲乙類，用久了底板甚至銅箔有燒焦跡像乃常見。晶體管換了其他型號，也並非修了幾個月又再壞的原因。再者，所謂上手修理者的痕跡，其實可能是上一手，上兩手，甚至上三手的師傅所為，跟上一手師傅在那一條街工作無必然關係。

#28 此機之muting電路，設計上有些與別不同。暖機後有cracking noise，可能有零件漏電，底板久未清潔漏電，或有dry joint。

真係搵個有信譽師傅, 有人當普通電器整, 整完會響但當中各級電壓正常不會理亦唔知, 零件更加不會考究, 只要用上通電不會即時出問題就算數.
我朋友部MF A100X去鴨記唔知邊間整, 整完聽咗兩三個月燒咗. 唔想整比咗我, 我都唔會花錢去檢查整, 最少千幾蚊落樓.
自己打開睇, 塊PCB電源部份銅線燒焦, 再睇下放大管及些細三極管都換咗唔同型號.
我只係初哥跟圖焊下嘢唔識分析電路, 好彩熱門機網上搵到線路圖, 維修例子. 舊機修好只要工作正常都唔錯, 自己整當然可以講究些選擇什麼級別零件, 這類機當年幾千蚊零件都係普通嘢. 換音響級電容已經好唔錯, 但有人堅持換過非原來一樣電容電阻零件已不是原來的聲音, 我就認為老化零件已經唔係出廠狀態, 效果唔使講.
只要工作電壓正常, 聲音精神及無鑊氣. 又可以聽十年八載.

都係個relay時着時唔著。另外就部機開開big nek pa luck 咁la.

整機最大煩惱是:
沒有修不好的機，只有買不到的零件。

#25 平心而論，Pioneer C21電路結構並不算很複雜，網上也可找到service manual，未知是何毛病，屢修不果呢？

所以買二手野先要確定有冇得整同易唔易整! 我有部pioneer c21, 整極都唔得! 灰咗!

去鴨寮街軍記問下，軍記修理好多深水步行家機的呢

多事……. 新手買架生最好同相熟舖頭或者朋友買。信人唔信機。唔好貪平。

零件會老化，尤其係發動發光發熱嘅零件，一般只有幾千小時。仲有好多儍強，唔錫架生，亂咁開機，零件瓜得仲快。有事你攞台架生去比師傅睇，收你8舊水把脈，打開一睇，要全部老化零件換晒先得。你到時先至話唔要台架生，又著草又要上嚟R33申訴師傅收得貴，大家無謂。

PS: 有次要換光頭，收到報價差啲喊。問店主乜嘢人捨得比錢。佢話大部份發燒友都係賣台架生比朋友之前先整，等朋友有台好架生用到幾年。聽完我都感動。香港冇乜好人，但係仲有。