不過補充下，三十年前去旺角音響買部三萬元CD機，一樣遇過哟死人sales 當你無錢買，不過冇同佢嘈，過隔離買咗部更貴的CD機

余師父唔係退咗休咩？

(#20)(全套mbl)你係大客仔梗認得你,生客問D一兩萬既機,鬼彩你!

最後修改時間: 2018-07-01 14:55:26

我標題都说非貴客無謂去，你系貴客當然招呼周到。其他人他們應該都當系運吉。

聽到嗰名極 X, 咁浮誇, 都唔想入去試機.

好多年前喺中環見識過啲極品態度，唔知而家係原版人馬定係見工時揀過先請 ＞＜

你地都受過佢地气?
所以話問乜嘢呀?你行入去糸自取其辱。我一定吾會買佢代理D野。

若真有其事，呢尐對客服務，真係舖中之渣，極品中之極品！

似乎係香港HIFI行業特色。

做慣大戶和北方豪客

最後修改時間: 2018-07-04 19:48:15

間唔中見到有部份香港音響鋪睇場待客態度，不知所謂，佢哋唔知係咪搵夠，還是覺得份工係厭惡性,
我曾經有一有趣經歷，事緣在友人家中聽過某牌子解碼，覺得OK，於是去心目中音響鋪照單執藥，
入門後，裡面有三個人， 其中兩個睇場, 另外一個可能係熟客， 其中一個睇場同我最近矩離，只係望望我繼續同熟客吹水， 另外一個睇場正在較為遠矩離忙於SET機，但佢禮貌上向我打招乎。
同時，我聽到個望望我既睇場同熟客UP話佢可以知道每一個入嚟係買定唔買， 佢原來有特異功能，失敬， 如果我有相同能力， 我會過馬交揾著數。
稍後有禮貌嗰個睇場SET好機後，快手快脚過嚟向我道歉話待慢晒。我二話不說問我的目標有無現貨， 剛好有，機都唔使試，即碌CARD過數，搬機走人。
當時，招乎我嗰個好開心， 因為有隻飛來蜢可以令佢唔使點做有單開兼幫佢買多條數碼線， 但另外一個睇場面色麻麻， 因為佢後悔做咗燈神。

極x同別x服務差天共地

睇見佢話大減價，早幾日同家人上去諗住買部ARC Ref6,
我問可否試Ref6,佢話無擺出離，只得一部Ref6 LE版可以試，仲話ARC無價減，都好啦試下佢，Sales 試左幾首歌，每首歌聽唔夠一分鐘就跳下一首，頭頭尾尾試左唔多五分鐘就關機，正所謂d膽都未去到作戰温度，就叫我地自己諗下，我問差不多十萬銀既前級有無其他牌子可以比較一下，佢馬上叫我瑣定買邊隻牌子，唔好隻隻牌子試下，如果唔係就難搞了，無癮，只好離去。發覺好多公司都係因為比d sales搞死

最後修改時間: 2018-07-07 09:38:52

#33.
俾你聽已經皇恩浩蕩!
我好多次想叫sales開機嘅機會都無吖！

#33
呢尐HiFi Sales佬不事生產，日日係showroom 無所事事，食飽飯等屎痾，等你上來送錢俾佢洗

有次閒日去了解個睇完繕稿的T牌解碼，去MK問，亞叔(我都係) 問佢乜都唔識，最後比張catalog我即係自己睇。問佢有無得試聲，話要預約要warm up... 但不是即日。巴閉

幾個月前, 知道揸的士接咗一個品牌代理, 我原不是他們客, 就上去添置 show room 問只買配件可否。

由查詢, 到開單, 落訂, 收貨, 一切順利,冇白眼.....在場 Sales還主動問可隨便聽下嘢.....

收到所訂配件後三幾天, office 還 call 我問是否一切妥當......咁都有 After sales service.


利申: 個配件只是 HKD 1,200....另加郵費 HKD 400


最後修改時間: 2018-07-07 13:46:40

中環同 MK唔同？
我冇入過極X混吉。多年來去過中環 Excel有目的問問題。點知一次就 Tony答我 NEC Multisync monitor資料，傾了個幾鐘 HiVi。一次問少少 Magnepan資料， sales哥一聽 到問Magnepan，唔答!即時轉介余師傅!!余師傅知我問最平的 MG12，二話不說，閂了大房門，俾我聽了至少半小時屏風。我十分唔好意思，又唔諗住幫襯，要搵藉口唔買。最後我話聽夠，要考慮一下。余師傅好好招呼開大房門俾我走。

1002次別超經驗都是 top notch

最後修改時間: 2018-07-07 14:05:41

成日都有人話點差點差, 結果間鋪都仲建在.
令我諗起之前我PO過 試客 的post .

ref#36
咁我應該係好幸運，叫試機就有幾分鐘聽下。咁多靚牌子在Jadis代理，本應係無得輸，可惜一d無服務態度既sales就送走晒d顧客