各位前輩你好， 第一次玩黑膠唔識設定，有嘢請教。
唱盤是天龍DP-55M, 唱臂是SAEC WE-308. 說明書資料: 有效長度是240mm, 超距5mm, pivot to spindle 235. 而我上手set個距離是232，我將資料輸入網上的計算得出Null point大約是66及120, 但超距是14.7左右。我現在應該跟網上資料去set，還是跟說明書請指點。謝謝

最後修改時間: 2017-06-22 18:28:27

師兄，你set左原裝開左聲未呢？

mentos 兄，已set左，但末落針，怕会弄断支唱針，因pivot to spindle 距離比说明書小了10mm.

樓主臂位set235mm 盤軸承去内圈距離60.618便可! 唱針去盤軸承超距應到5mm左右.

除非你裝臂位超得太遠 應不會整斷支針!頂多内圈爆音失真!如果你不理照唱的話針同碟都傷!。

最後修改時間: 2017-06-23 09:02:33

009terry兄您好，上手巳set臂位232, 無位可修正為235. 是否可以照set盤軸承去内圈距離60.618便可。謝謝

開大d個窿，跟原裝

set臂距離差3mm是小事，可以照用。overhang照set做5mm就可以。用咁多年都無咩事，聲無影響亦無唱壞碟。

多謝各位師兄，完全明白。今晚試机。

最後修改時間: 2017-06-23 12:07:01

樓主!臂位比正常差2mm就係差2mm不要小看果2mm真係差好遠!最理想做法就係开反大小小個臂洞較正反235mm維最理想!

希望唔難整，黑膠真係好多事情要兼顧。

越準確越好聲，ching慢慢玩

想黑膠好聲真係唔易,除時比CD KO! 頭臂盤seting前前級每個環節都很重要!真係小D心血都唔掂!就咁頭同臂的配搭已經一大學問!

真係要投放好多時間同心機，而且真的有好多好多嘢要學。好彩上網好多資訊。無辦法，黑膠吸引力真係好大。

現在很幸福這裏有各路高人指教!在以前78十年代“音響知識”只可以在音響雜誌音響店售貨員及朋友間吸收“料”未必啱自己用除時撞板!花嘅錢很多!
講來奇怪,玩了黑膠三十幾年但最燒都係E幾年!可能現在多渠道吸收知識有关接觸多咗,又比硬硬的CD聲折磨了很久...聽反黑膠總覺自然舒適,現CD已經越來越小聽了!對CAS數碼野緊加失去性趣,現在未來專著黑膠好了......。

呢度好多朋友一般同terry兄差不多成長過程，深有同感。

孟波兄你好! 唔徑唔覺又幾十年“哈”! 身體好嗎？
近牌玩咩多?

最後修改時間: 2017-06-24 13:41:57

Terry兄托賴副老偈冇乜大問題，係開始有血壓高，大家都咁上下年紀要保重。

最近轉玩單端石機推高效率號角，同埋玩有源鑑聽喇叭。^^

＞臂位比正常差2mm就係差2mm不要小看果2mm真係差好遠!最理想做法就係开反大小小個臂洞較正反235mm維最理想

差少少都唔係咁大問題，因為可以改個offset angle嚟就番，Vinyl Engine有program可以試，你fix咗個pivot to spindle去個錯位再改其他variable試，試到條curve失真最低就搵果set null points，offset angle嚟調校
不過老實講，支針桿同隻頭無一隻係零誤差平衡，我用Graham jig對準哂支針桿set再搵template試null point，通常都係歪少少，所以兒家都廢事咁疑神疑鬼成日覺得自己未set好，無得安心坐定定聽嘢

對黑膠認識越深，越冇咁區泥於那一兩mm差距。

最後修改時間: 2017-06-24 14:34:09

19
波兄呢句真係金句！