- #21 [ABC1234], 17-12-19 13:11最保值相信是TECHNICS C09及先烽小露寶見過有人用當年10倍價格放售(如有人肯買的話...)
- #22 [alphability], 17-12-21 22:58冬天買張大地氈,放在喇叭與坐位間,一開聲!
物超所值的神器,保唔保值,要看您買嘜地氈
亦有暖笠笠感覺,大快人心 - #23 [無間道], 17-12-22 03:32自己及自巳的神器
-
- #24 [Pilotrol], 17-12-22 10:55古董音響並不一定保值,原因係有人識就有需求,冇人識就冇需求。當市場有需求,市場又冇供應,市場價格自然會上升!不過"價錢"只是反影市場供求,但同本身實際"價值"未必有一定關係...事實上現今社會好多人都唔明白"價錢"同"價值"之間嘅分別...多人識唔代表一定好,冇人識唔代表一定差,音響始終好睇個人品味同識唔識得欣賞不同音響的各項優點和缺點...!
小弟興趣是研究音響歷史,家中也有幾套西電作研究之用,不過都唔係咁常用(唔係自己杯茶)。事實上當年買入的時候也不算昂貴,市場上有需求又冇供應自然就漸漸變得昂貴了..."價錢"值唔值其實真係見仁見智!由於小弟只當佢哋係使用工具,又唔炒又唔賣,個人覺得"價錢"只是個數字,數字基本上係改變唔倒器材本身的使用"價值"...!貴咗唔會變得好用咗,但平咗器材都唔會變差咗。事實上西電只係個品牌,古董音響世界其實很大,使用價值比西電高的器材還大有機在...!
一部器材嘅實用"價值"其實係睇部器材啱唔啱用同識唔識用。事實上器材不論平貴買咗返,啱用就代表冇買錯嘢,而識用器材才可以發揮其實用"價值"...!
以西電WE124為例,其實此機並不是一般民用後級放大器,而是一部需要配合高增益低阻抗輸入的專業鑑聽後級放大器。WE124本身設計是先經輸入變壓器提高輸入阻抗和增益之後就直入推動級再經輸出級輸出。事實上一般民用真空管後級最起碼有3至4級放大(如Williamson放大器是初級放大,次級分相,第三級推動第四級才是輸出級),而WE124的設計只有2級放大(初級推動/分相和次級輸出級)。一般民用前級屬低增益高阻抗輸出,直入要求高增益低阻抗輸入的WE124根本就冇可能夾得好...如果咁玩法冇動態(前級輸入增益推動力不足)和平衡差(輸入阻抗不匹配)實屬正常。事實上西電專業前級都是高增益低阻抗輸出,要見真章一定要配合專業前級才可!情況就好似用凍水沖茶,D茶葉幾靚都係冇味,茶係要用熱水沖茶才出味!而茶沖得好唔好好睇個人沖茶技術同常識,唔係幾靚嘅茶葉都係會浪費...!
其實太多發燒友認為器材因素決定一切,但事實上係人嘅因素比器材嘅因素更為重要!真正物超所值又極度保值的神器可能係我哋自己本身音響知識技術同經驗!
最後修改時間: 2017-12-22 10:59:30 - #25 [童虎], 17-12-22 12:35Pilotrol
非常同意您的見解。 - 返回 ...