生意好啲便攪成咁樣...

我三日都有去，星期五同今日買套票，星期六買單票。袋，CD,場刊都無問题喎。不過我是在早上去既。
順帶一題，啱啱第一次聽緊大會隻ADCD,個人覺得音效真係唔錯，好過往幾年LPCD。
埸內幾對超級大喇叭開聲，可以講係大開耳界，因為如果無呢類音响展，我諗我哋呢啲又無錢，又學人發燒的窮鬼發燒友，都幾難會聽到呢類大型喇叭聲。

今年好奇怪，三樓大廳尐房仔，普遍尐聲都唔差喎！

㩒錯咗更正，係UpMAGCD。

次次去完show都覺得自己套嘢都幾好聲x2

自己屋企套嘢好d唔出奇，始終 setup 配搭係好重要同好花時間同功力。

人數創新高冇曬 CD 環保袋真係冇計，但要辦公時間 (1-2pm lunch break)先至可以拎碟就真係要反映不滿！

聽行內人講係印小阻環保袋咋wor，如果我個倉重有前幾年的都會用阻先啦，$80係入場費，cd同袋係送俾你的嘛。

只係一個環保袋啫，可能舊貨未用曬又唔想掉左佢，所以咪送埋佢出去囉，產品有限時，在處理上係會比較煩，可以體諒。
我有時要控制公司做有時限嘅禮品，數量都要好小心，日曆最煩，過左冇人要，利是封都可以話唔印生肖。個袋本身想環保，但最後印多左只會變成垃圾，弄巧反拙
師兄如果想要今年個袋作留念，我送我果個比你喇

最後修改時間: 2017-08-14 11:35:30

HKCEC hifi show一開始攪都會去行吓聽吓睇吓, 近呢四年已經無去, 感覺同以前尖咀富豪差好遠. 以前d房間音效好聽到令人腦海不停回味, 只會中毒越深. 宜家, 腦海只會得個嘈字, 反屋企好過.

還有, d "經典級"歌手真係好厭, marketing target永遠都係d老爸級, 我老豆都7/80 la, 隻耳都撞撞地聾, 還出經典金曲CD ??

會唔會同老婆講去av show去成日，返到黎cd又冇，袋就早幾年，
老婆當你去搵av妹。哈哈。

我覺得今年隻碟d歌唔好聽。

我揀第一天去，人少d，唔使點排又唔會無碟

隻SACD俾朋友要咗，無得A-B比較

星期六去,人流比想像中熱烈,睇落音響業未絕得住,最欣賞門口班小朋友紅衫軍打鼓,起碼比d機器精彩,廣場角落嗰對德國喇叭花有水準,打碟嗰位人兄十分用心值得表揚,如果其他room好似呢位老兄咁落力發揮套組合應有表現,咁d機器又真係有價值.

俾8十文剩係聽套貴豐都抵啦

有人第一日聽 Gryphon Kodo 覺得唔錯，我星期日下晝去聽感覺箱聲, 侷促，低頻混濁....

感覺箱聲, 侷促，低頻混濁.... x2

3頻都麻麻，超多單元花巧野就係威但危。
以前聽老麥對旗艦仲衰。

諗住試Klipsch藍牙耳機，點知冇電，跟手話比睇場個姐姐仔知要叉電，點知佢轉個頭就放番個冇電嘅耳機上架⋯
唉⋯做野認真少少好唔好！！

感覺箱聲, 侷促，低頻混濁.... x3
我第一日去聽，除左大聲之外就唔覺得有乜野特別

感覺箱聲, 侷促，低頻混濁.... x3
我第一日去聽，除左大聲之外就唔覺得有乜野特別....X4

感覺箱聲，焗促，低頻混濁....x5

主因應是從電掣出的第—條電源線太幼！重要 接駁一個普通拖板！先再供給其它電源線，你們想-想！？想好聲都難啦！我發覺威達每—個位置都是—樣！ 電做得不好又點會靚聲呢！