- #1 [Joeyd], 17-03-17 20:44
- #2 [welborne], 17-03-17 21:03聽歌還好,如只聽音效,打爛玻璃聲,1812大炮聲,蔡琴田雞叫聲,蟋蟀叫聲等仲⋯⋯ :(
- #3 [dttmtong], 17-03-17 21:16覺呀,一只歌不段重覆聽
所以現在玩一套 naim, 乜差都唔駛換,全 naim -
- #4 [iloveu], 17-03-17 21:30我都從十年八年前起已無再買乜版物版CD,開始覺得搵笨,聽嚟聽去都係嗰幾隻CD,但成屋都係嗰D乜版物版擺到成屋滿哂。
哩十年八年亦都無特別話玩音響,真係鍾意慳返D時間嚟聽歌,淨係youtube聽舊歌都可以消磨一個晚上。 - #5 [Pilotrol], 17-03-17 21:42音響一向是精神同物慾之間的鬥爭,其實發燒友搞咁多嘢完全為嘅只係播好音樂!但要播好音樂就要先了解音樂的本質。
音樂是人類利用聲音去傳遞思想和感情的藝術,不過由於聲音是傳遞音樂的媒體,往往發燒友把集中力投放在聲音追求而不是音樂的重播! - #6 [樹熊], 17-03-17 22:00換機或配件 upgrade 後,聽番心愛嘅歌或音樂發現有改善,的確係賞心樂事有驚喜,追求更好聲本來喺好事,太吹毛求疵似乎失去聽音樂怡情養性原意,有時反而令自己走入困局。自己試過諗一個改善聲音問題成晚冇瞓到天光,結果就攪到病咗。
買靚聲CD或黑膠聲音係好,但歌曲或音樂又未必係自己杯茶,淨為咗聽聲效又唔似係聽音樂,難得有好聲又自己啱聽,間唔中都會搵啱嘅。 - #7 [ccli1996], 17-03-17 22:11我都係經歷過,從以前後生時期係「音響」發燒友,到現在算係「音樂」發燒友,轉變由廿年前學聽古典音樂開始改變,開始明白套音響系統,只是用來享受音樂嘅工具,主角應該要係音樂本身,再「高級」一些嘅形容,音樂或唱歌應該係藝術,但當然,聽音樂唔一定要懂藝術,不過一套好嘅音響器材,會讓聆聽者更容易聽得投入及享受於更美,更傳神嘅音樂之中,應該不會有太多人反對吧!至於怎樣去投放專注/重點於兩者(音樂與音響)之間,而從中可取到個平衡,就看各發燒友自己嘅領會了!
只要玩得開心(不論重點是在聽音樂,玩音響,又或是喜歡聽音效),如都能享受當中嘅過程,就是樂趣了!
以前喜歡搞「硬件」,只用幾隻「軟件」碟,來試音,聽來聽去,都係幾首歌,甚至聽單Tone頻率來調喇叭都試過,當時是好享受,特別聽到有聲音或聲效改善時
現在就喜歡專注聽音樂了,喜歡古典,但其實更喜歡聽以前老餅嘅粵語流行曲,因為可以聽番好多以前沒有注意到嘅歌曲或音樂制作效果,及歌手演唱不同風格歌曲時嘅唱法改變去配合首歌,跟現在啲HiFi碟制作,聽落好似首首歌都唱到差不多風格,是很不同的!
最後修改時間: 2017-03-17 22:27:52 - #8 [Joeyd], 17-03-17 22:18近來諗返咁多年聽過的所謂貴機,諗諗吓咪又係咁。
反而搵到未聽過的好歌,或根本在街或電影聽過但唔知咩來路的好歌,
心情仲興奮。咩source都冇所謂,Youtube頂住擋都ok,最好就起碼買CD版啦。
例如 WOONG SAN,近來先識佢,但原來唔覺意聽過好多次,掛住睇機都冇留意歌手。
最後修改時間: 2017-03-17 22:20:51 - #9 [whizmika], 17-03-18 00:06唔覺換機同聽音樂有抵觸。
- #10 [linda.0416], 17-03-18 00:35#3
吾係—只歌,係—小段歌!? - #11 [koalaau], 17-03-18 00:54我係聽音樂而「被迫」玩音響,因為當時屋企套平價雜牌軍真係唔夠聽,不過音響本身的確都好吸引。
有段時間隔三幾個月就要買下換下野,交唔少學費,慢慢當套野去到「咁上下」,明白想再靚聲一點點就要俾多多錢,就係退燒專注於聽音樂的時候了。 - #12 [@e], 17-03-18 08:14睇下出發點同埋你想達到乜野目的啦,
就好似好難話一個人,點解要有幾架車,仲成日換車改車,
車係交通工具,安全舒適就可以,忘記車本來嘅用意咁咁咁。
玩音響硬件同聽音樂都係娛樂、興趣、享受。
不過我自己都花吾起錢玩音響十幾年。
醇聽歌都好大樂趣。 - #13 [niceday009], 17-03-18 09:07>> 不停換機或配件, 忘記聽音樂本質
玩音响聽音效和聽音樂好歌,兩者係可共存,只係你自己点去分配比例,音响之音效以及音樂歌曲之旋律演繹都係用嚟感動人類大腦神經之元素,冇話忘記音樂或音响本質,係聽音樂或音效其間得到快樂感覺或觸及回憶感動就是其作用(不論係現場演奏或聽套靚hifi,甚至係酒店大堂聽FM廣播),即係單独係音樂元素,或單独係音效元素,或音樂加音效兩元素,都可以在當時一刻為大腦帶來快感
而發燒友從靚仔開始玩之声音摸索数十年,玩音响器材以及買唱片係一種一輩子之正面嗜好,無須停下來,亦可在這漫長過程中提升你自己对声音重播能力高低之辨別能力,好多人玩上超貴名牌器材及配件但D声只係一般般(甚至差),有些人因以靚声音為目標願多花時間作多作嘗試包括多試器材及調整及學習探索而得到較理想聲,而此過程中可以係樂趣
最後修改時間: 2017-03-18 09:19:01 - #14 [Crazychan], 17-03-18 09:23咁不停改善音質為目標,發掘器材的潛能,係玩hifi其中樂趣, 亦受益於播放各類软件也更迎合自己要求,更有可能令玩家廣大左聽更多軟件,看怎平衡時間與心機姐
最後修改時間: 2017-03-18 09:24:43 - #15 [koalaau], 17-03-18 10:08聽音樂,玩音響係可以並存,不過都真係唔少燒友對唱片/錄音的高低評價標準,係好唔好聲,而唔係好唔好聽。
- #16 [ccli1996], 17-03-18 10:26「音響」發燒友,通常係先聽「聲」,夠「好聲」先夠吸引到去聽晒整首「音樂」或「歌曲」
「音樂」發燒友,就梗係以聽「音樂」為主為先啦!其錄音及制作出嚟嘅「聲」,如果又夠「好」,夠「靚」的話,就當然是錦上添花啦!
如果應用係聽古典,曲目時間一般都頗長,但如果只專注去聽其「聲音」或「音效」,係好難聽得完整首曲的,所以對古典而然,「音樂」嘅演繹與內涵,尤為重要
所以各發燒友在玩音響及聽音樂嘅過程裡,的確要自己去經歷一下,最終是喜歡「聽」甚麼?而去作適當嘅調整了!肯定是人人不同,沒有一定答案的。
最後修改時間: 2017-03-18 10:28:36 - #17 [niceday009], 17-03-18 10:33#15
因為好声碟要比錢買,唔好声可能買老翻或纲上free download都有 - #18 [009terry], 17-03-18 10:59小弟都換過好多機同喇叭,都係為玩易玩!相信燒友同我都一樣!只不過大家個時間都不同!初期玩hifi目的都係玩行先!但接觸音樂多了,又培養出緊多對音樂嘅性趣!之後習中精神留意緊多好嘅音樂!
現在唔敢咁玩因為年纪大!仲好彩現在多聽音樂買吓碟,只係想再强化吓個黑膠盤就算!
希望大家多点聽靚及美妙嘅音樂好了! - #19 [whizmika], 17-03-18 11:28好聽同好聲本身亦都唔係相斥,可以並存。
Hifi出乜聲係跟主人,主人同時亦決定聽乜嘢音樂。 - #20 [peter827], 17-03-18 12:00Hardware係男人所愛,音樂就睇修養,上咗年紀搞下機全身保持運動是好事,運動完聽吓音樂保持精神平衡亦是保健生活,養生也。
- 下一頁 (1 of 122)
- 返回 ...
買了新野,實用熟識的音樂試機,不斷玩不斷試機,
聽來聽去都係果D歌,新歌冇時間聽,攪到完全唔識。
覺唔覺呀?